1768/2024-2025

Dated Lawngtlai, 27th August 2024 : Vawiin chawhma khan Lawngtlai District Consultative Committee (DCC), District Level Review Committee (DLRC) leh District Level Security Committee (DLSC) for the Quarter Ending June, 2024 chu Lawngtlai District Bawrhsap Pu Cheemala Siva Gopal Reddy (IAS) kaihhruinain Lawngtlai DC Conference Hall-ah an ṭhu khawm.

Pu Cheemala Siva Gopal Reddy (IAS) chuan Bank hrang hrangte chu anmahni hlawkna chauh ngaihtuah lo tur leh mipuite tana an theih chin chin a luangchhuak thin turin a chah a. A bik takin mipuiten awlsam zawka Loan an lak theihna tur leh hamthatna an neih ang angte hrilhhriatna turin Financial Literally Campaign (FLC) chak taka kalpui a tul hle a ti a. Bank- te chu FLC nei ngei ngei thin tura chahin, a tul dan ang a sawrkar line department hrang hrangte nena thawkho thiam turin a chah. 

District Bawrhsap chuan Mizoram Rural Bank (MRB) chiahin 'Action Taken Report' an submit chu veiawm a tih thu tarlangin, Bank dangte pawh a rang thei ang bera thehlut turin a chah a. Annual Credit Plan (ACP) hnuaia target hrang hrang an neihte chu hlenchhuak ngei tura chahin Pu Cheemala Siva Gopal Reddy chuan Social Security Schemes hrang hrang- PMJDY, PMJJBY, PMSBY leh a dangte hnuaia loan pek chhuah tur target an neihte tihhlawhtling ngei turin a chah bawk. 

He ṭhut khawmah hian Lead Bank Office-a Lead District Manager (Lawngtlai & Siaha) Pu JM Soren leh Reserve Bank of India (RBI) Manager Pu Sumit Mandal te bakah, bank hrang hrang leh line department ai awhte an tel a ni.

He hunah hian meeting hmasa, June ni 12, 2024-a DCC meeting minute chu pawm a ni a. Kum 2024  April  thla aṭanga June  thla  chhunga Lawngtlai District-a bank hrang hrangte hna thawh thlir let niin, hmachhawp an neih leh hma lak zui dan tur te sawi ho nghal a ni.

He hunah hian Financial Unclusion Plan (FIP) hnuaiah Lawngtlai District chhunga mihring 2,000 chunglam  chenna khaw tinah mipuiin bank kal tlanga hamṭhatna hrang hrang an chhawr ve theih nan an khuaah bank branch emaw, business correspondent emaw, Indian Postal Payment Bank emaw dah tura hma lakna kalpui mek a nih thu leh tun dinhmunah Lawngtlai District chhungah bank branch- 12, ATM booth -6, business correspondent- 36 leh Financial Literacy Centre- 1,  a awm mek thu tar lan a ni a.April- June, 2024 inkar chhungin bank hrang hrang leh Lead Bank leh CFL kal tlangin mipui hnena sum hman leh enkawl dan inzirtirna (financial literacy campaign) ṭum 48 buatsaih a nih thu tar lan niin, line department-te nena ṭang hovin bank-te'n FLC tam zawk buatsaih turin hma lak chhunzawm se, tih a ni.

He hunah hian pawisa dah hmasa lo (zero balance)-a account hawn theihna, Pradhan Mantri Jan Dhan Yojana (PMJDY) leh social security scheme hrang hrang - Pradhan Mantri Jeevan Jyoti Bima Yojana (PMJJBY), Pradhan Mantri Suraksha Bima Yojana (PMSBY) etc. lama bank hma lak dan te thlir ho niin, mipui tam zawkin he'ng hamṭhatnate hi an chhawr theih nan ṭan lak lehzual ni se, tih a ni a. Bank-a mipuiin sum an dah luh (deposit) zat za zela bank-in mipuia sum an puktir (credit) zat chhutna, Credit/Deposit Ratio-ah Lawngtlai District-a bank-te chuan June 2024-ah CD Ratio 116.93% an nei tih tar lan niin, March, 2024 (121.38%) nen khaikhinin CD Ratio hi 4.46%-in a a tlahniam  a ni.

Kum 2024-2025  sawrkar kum chhunga Lawngtlai District chhunga bank-te'n loan an pek chhuah dan tur, Annual Credit Plan (ACP) ruahman atangin June,2024 thleng khan bank-te hian Priority Sector hnuaiah 34.90% leh Non- Proirity Sector hnuaiah 522.5 %  loan an pe chhuak tawh a ni. Ni 30, June 2024 thleng khan PMEGP hnuaiah loan nuai 4.75 hu pek niin,  NRLM - ah nuai 126.74,  PMMY - ah nuai 177.78 leh PMAY kal tlanga sawrkar sponsor scheme hnuaiah loan 99 ( nuai 412.68 hu) pek chhuah a ni bawk. 

He hunah hian kum 2024-2025 chhunga Lawngtlai District chhunga bank-te'n loan an pek chhuah dan tur, Annual Credit Plan (ACP) ruahman chu thlir ho ni bawkin, bank-te'n mahni target tlin ngei turin ṭan lak ni se, tih a ni a. Bank leh mipui sum vawn himna (security) lam te leh pawisa leng vel (currency management & remittance) chungchang bakah Bank zawng zawngten quarter tawp atanga ni 15 chhung ngei a FLC dara submit ni se tih an rel  a. Bank Branch zawng zawnga awm ngei ngei tur - Security Guards,  CCTV, Fire Extinguisher leh Security Alarm- te chu ngaihpawimawh thar ni se an ti bawk.