Vawiin khan Lawngtlai District Level Committee for PMJVK chu an Chairman, Lawngtlai Bawrhsap Pu N. Chakhai MCS hovin Lawngtlai DC Conference Hall-ah an thu khawm a. Block level commitee atanga kum 2018-19 atana PMJVK hnuaia hna thawh tur rawtna lutte an thlir ho.

PMJVK (Pradhan Mantri Jan Vikas Karyakram) hi centrally sponsored scheme niin, MsDP (Multi-sectoral Development Project) tih thin kha a ni a. Minority awm tamna district, block, khawpui leh khuate kawng hrang hranga tihhmasawnna tur programme niin, kum 2019-2020 thleng kalpui tura ruahman a ni.

Lawngtlai District chhunga block pali awm atangin block pathum - Lawngtlai, Bungtlang 'S' leh Chawngte block te chu he programme hnuaiah hian rin luh an ni a. Block tin hian Rs vaibelchhe 10 hu hna thawh tur ruahman tura tih an ni.

Vawiina District Level Committee thut khawmah hian block pathum atanga hna thawh tur hrang hrang rawtna lutte chu thlir ho niin, siam rem ngaite siam rem a nih hnuah pawm a ni a. Hei hi state level commitee hmaa pharh turin thawn leh tur a ni.