Kum 2018 General Election lo awm tur atana inbuaisaih na turin vawiin khan NLUP Conference Hall ah Aizawl District Bawrhsap Dr.A.Muthamma, IAS District Election Officer ni bawk kaihhruai na in ‘Training of Sector Magistrate and Sector Police Officers’ neih ani.

Kum 2018 MLA Election neih turah hian a hun tak hriat ni lo mahse a hun pangai tur tinzawna lo in buatsaih leh in ruahman a tul thu Pi A Mutthamma chuan sawiin inthlanna felfai tak nei turin Sector Magistrate leh Sector Police Officers te mawhphurhna a sangin tihtak zeta rilru hman a ngaih thu a sawi a. Vote thlak ni ah phei chuan Polling Officer leh mawhphurtu sang zawk te nasa taka rilru leh ngaihtuahna hmang an nih avangin a tul viau anih loh chuan be buai fo lovin theih anga lo tawiawma thawh hona tha neih a tul thu leh inthlan hmachhawn tura hriat tur pawimawh hrilhin fimkhur leh uluk taka che turin a fuih bawk.

Vawiin training ah hian Pu John L T Sanga Addl. Deputy Commisioner, Pu Lalfakawma Election Officer leh Pu Alan Lalthanzara District Election Master Trainer te’, ‘Learning Module for Sector Officer’ chungchang an zirtir ani. Aizawl District ah hian Constituency 14 awmin Polling Station 328 a awm a.Returning Officer 7, Asst. R.O 14 , Sector Magistrate 27 leh Sector Police Officer 27 te bakah Official pawimawh tak tak ruat an ni bawk.