3767/2024-2025

Lawngtlai the 13th January, 2025: Vawiin khan 'Lawngtlai District Level Committee on Border Protection Grid' chu an Chairman, Pu Cheemala Siva Gopal Reddy, IAS, Lawngtlai District Bawrhsap nibawk  hovin a Office Chamber-ah an ṭhukhawm.

Pu Cheemala Siva Gopal Reddy chuan ṭhenawm ram Myanmar leh Bangladesh aṭanga raltlan lo lut vanga ram chhung himna leh ralmuanna a derthawn loh nana ramri ven himna kawnga ṭan lak lehzual a pawimawh thu a sawi a.  Assam Rifles leh BSF -te chu thawhho na tha tak nei a, uluk  zawka ramri venhim hna thawk thin  turin a chah a. Bawrhsap chuan Lawngtlai mipuite a bik takin 'international border' bula awm khuate chu ramri venhim kawnga thahnem ngai taka thawhpui turin a sawm nghal bawk.

Thutkhawmah hian  Assam Rifles - hnen aṭangin ramri ven himna kawnga an hmalak dan report ngaihthlak a ni a.  Myanmar leh Bangladesh nena inrina ramri kana dan phal loh thil tih leh ruihhlo leh ralthuam tawlhrukte a awm loh nana ramri venhim chungchang a thil pawimawh hrang hrang sawiho a ni.  Mayanmar leh Bangladesh mi leh sa  ramri pel a, an chet vel dan vil leh thlithlai zui chungchangah Civil Administrator, BSF, Assam Rifles leh Boarder hnaih khua VC -ten thawhhona tha  zawk neih  ni se an ti a ni.

Vawiin ṭhutkhawmah hian Pu Zoramsiama Hmar Addl.DC, SDPO Lawngtlai, SDO (C) Chawngte, BDO Bungtlang South, CID Special Branch (SB) Lawngtlai aiawh leh OC- Assam Rifles Lawngtlai, te an tel.