3766/2024-2025

Aizawl, the 13th January, 2025: Vawiin chawhma dar 11 khan Entrepreneurship Development Conclave 2025, GD Madgulkar Auditorium, Pimpri-Chinchwad, Pune, Maharastra-a neihah, Pu Zorinpuia, SR Piggery Farm, Lengte chuan Piggery Entrepreneurship lama titha lawmman a dawng.

Pu Zorinpuia hian India rama National Livestock Mission Scheme hnuaia Piggery Farm dinna tura insak atanga ranvulh thlengin monitoring leh inspection zawng zawngte tha taka a paltlang hnuah subsidy tlenga dawng tawhte zingah a zo hmasa leh ti tha ber zingah thlan a ni. 

He conclave hi Department of Animal Husbandry and Dairying, Government of India chuan thlengin, Pu George Kurian, Union Minister of State for Fisheries, Animal Husbandry and Dairying leh mipawh tak takte hnen atangin thusawi ngaihthlak a ni a. National Livestock Missiona hmalaknate thirhona leh sawihonate neih a ni bawk. 

Mizoram chu India rama National Livestock Mission-Entrepreneuship Programme (NLM-EDP) a ti tha zual top 10 a thlan zingah telin, North East State-te zinga ti tha ber a ni bawk. National Livestock Mission Scheme hian sa, bawnghnute, artui leh ranchawa intodelhna tura hmalatute tanpui nan subsidy a pe thin a ni.

Entrepreneurship Development Conclave 2025 ah hian AH & Veterinary Department, Government of Mizoram atangin Dr. F. Lalramhluna, Addl. Director (VS&PH) leh Dr. Zohlimpuia, Asst. Director (F&FD) te an tel a ni.