2107/2024-2025

Dated Lawngtlai, the 18th September 2024 : Vawiin chawhma dar 11 khan sawrkarlaipui Scheme pawimawh tak 'Formation and Promotion of 10,000 FPO' kaltlanga hmalakna leh thawhho zel dan tur ngaihtuaha thutkhawmna DC Conference Hall-ah neih a ni a. Thutkhawm hi Pu Zoramsiama Hmar, Addl. Deputy Commissioner, Lawngtlai chuan a kaihruai.

Pu Zoramsiama Hmar chuan India ramin zalenna a hmuh atang khan loneitute (Farmer) dinhmun chawisang turin theihtawp a chhuah a, chumi kal zelah chuan Scheme chi hrang hrang duang chhuakin,  10,000 Farmer Producer Organisation (FPO) pawh hi  kalpui mek a ni, a ti. He Scheme hian a tum her chu huan thlai neitute  chu pawl ang a  intelkhawma an hmathatna tur, hlawkna leh man man zawka an thar chhuah te hralh tir a ni tiin, chutiang tur chuan line department hrang hrangte pawhin  thahnem  ngai taka thawpui a pawimawh hle a ti. Mizoram sawrkar hmalakna tur lian leh pawimawh tak 'Handholding Poicy (Bana Kaih)'  pawh tlangzarh thuai a  nih dawn thu tarlangin  Pu Zoramsiama Hmar chuan FPO hrang hrangten he 'Bana Kaih ' policy  hi  an hlawkpui dawn hle a ni, a ti.

Farmer Producer Company (FPO) pawimawhna sawiin Pu Zoramsiama Hmar, chuan 'Constitutional status' hial nei tawh an nih  avangin a hming maia pawl anga ding lo tur leh hlawkna leh hamthatna tam zawk tel  tura thawk turin a fuih a . FPO-  te enkawltu ber Cluster Based Business Organisation ((CBBO) leh Implementing Agency (IA) te chu an FPO-  te tana theihtawp chhuah tur leh an dinchhuah ngei theihna tura hmala zel turin a chah a. Loneitute thlai chin tur chungchang  leh a enkawl dan kawngah Agriculture Department leh line department hrang hrangte nen thawhhona tha a awm a pawimawh hle tih tarlangin Pu Zoramsiama Hmar chuan a tul dan anga thawkho zel turin a chah.

Thutkhawmah hian Small Farmers Agri-Business  Consortium (SFAC) hnuaia 'Patanjali Foods Limited' leh National Cooperative Development Corporation (NCDC) hnuaia 'Angel Business Promoters of Mizoram' bakah MOVCDNER ( Mission Organic Value Chain Development for North East Region ) ten presentation an pe a. Implementing Agency leh Cluster Baesd Business Organisation - te hmalakna chu tha thawkhat viau mahse FPO tam zawk din tura chak zawka hmalak ni se an ti a. Farmer- ten eng thlai nge an chin ang tih chu a ram leilung awmdan zirchian  hmasak phawt hnuah an tlai chin tur thlang thin ni se an ti. Huan thlai enkawltuten hlawkna tak tak an neih theih nan  Agriculture Department leh Line Department hrang hrangte nen thawhhona tha zawk awm se, hmalak chin  leh harsatna  hrang hrangte chiang zawka inhrilhhriat thin ni se an ti a. District Level Monitoring Committee on Formation and Promotion of 10,000 FPO - thutkhawm chu a tam thei ang ber a neih thih ni se an ti bawk.

10,000 FPO scheme hi Central Sector Scheme (sawrkar laipuiin funding 100% a tum) niin a thil tum ber chu India ram pumah kum 2025-a huan thlai neitu (farmers) intelkhawm, Farmer Producer Organisation (FPO) 10,000 din a ni. Hemi atan hian implementing agencies ah NABARD leh SFAC te chu thlan niin,  he scheme hnuaia hmalakna lian ber chu huan thlai neitute tan awlsam leh man man zawka an thil thar chhuahte hralhchhuahpui a ni a. Tun dinhmunah hian Lawngtlaiah FPO - 8 an awm mek a ni.

Vawiin 'District Level Monitoring Committee on Formation and Promotion of 10,000 FPO'  thutkhawmah hian Cluster Based Business Organisation (CBBO), Farmer Producer Organisation (FPO) bakah  sawrkara line - department hrang hrangte an tel thei a, Pu Caleb Vanlalrinngama (ADAO) chuan lawmthu sawina neiin hun a khar.