2106/2024-2025

Dated Kolasib the 17th September 2024: Vawiin khan District Level Inspection Committee chuan an Chairman, Addl DC, Pi B Malsawmtluangi hovin Audrene Scism Children Home Kolasib leh Enna In-Boys Home Kolasib te endikna hun an hmang.

Vawiina Inspection neihna ahhian Project Director, Audrene Scism Home office ah leh Superintendent Enna in Boys Home office ah te inkawmhona tawi neih a ni a. He hunah hian Addl DC, Pi B Malsawmtluangi chuan District level inspection committee nihphung leh an hnathawhte hrilhfiahna hun a hmang a. Sawrkarin naupang enkawlna in chu a ngaih pawimawh thu sawiin, kawng hrang hrang ah an chanvo te a nih dan tur diktakin an dawng  em tih te leh naupang hriselna te, an ei leh in leh an chenna hmunhma te a tha in a thianghlim em tihte chu chu vawiina Inspection team te pawh in an ngaihpawimawh hmasak a nih thu a sawi.

Inspection hi tehfung hrang hrang format awmsa hmanga endik niin, hemi piah lamah hian Inspection team ten an ngaihpawimawh zawng te an zawt tel bawk a ni. Hemi rual hian Naupangte nena inkawmna hun pawh hman a ni bawk.

Audrene Scism Children Home Kolasib  hi UPC (NEI) enkawl niin, hemi compound chhungah hian School pawh awm nghal in, Children home leh school hian Superintendent leh Principal hran ve ve nei mahse Project Director in a khaikhawm a ni. He Home hi 1993 jan 16 ah lungphum phum niin tun dinhmun ah Naupang 31,
Mipa 12 leh hmeichhia 19 an awm mek a, thawktu 14 an awm bawk a ni.

Salvation Army enkawl Enna in Boys Home hi 1979 ah din tan niin, Kolasib Vengthar ah 1980 ah an in sawn a. Tunah hian naupang 20 an awm mek a ni.

Attachment

  • Loading attachment...