2105/2024-2025

Dated Lawngtlai, the 17th September 2024: September ni 17 atanga  October ni 2, 2024 chhunga hman tur 'Swachhata Hi Seva 2024'  chu vawiin khan Lawngtlai khawpui chhunga Sawrkar Office, Zirna in leh  Kohhran Office hrang hrangah Swachhata Pledge (Faina kawnga thu intiamna)  sawirualna neiin khuhhawn a ni.

Swachhata Hi Seva 2024- hawnna pual hian Sawrkar Office, Zirna in leh  Kohhran Office thenkhatah faina hnatlang thawh chhunzawm a ni a, Lai Womens' Association (LWA) Branch hrang hrang leh Village Council - te huaihawtin Lawngtlai khawpui chhunga veng hrang hrangah faina hnatlang thawh a ni bawk. Swachhata Hi Seva 2024 - hman hun chhung hian Lawngtlai khawpui chhunga Sawrkar Office zawng zawng leh thawktute luah mek quarters, khawpui chhunga Kohhran Biakin zawng zawng, Hotel, Restaurants leh thingpui dawr, Hospital zawng zawng, Zirna in zawng zawng leh  dawrkai bakah   lirthei neitu  pawl hrang hrang ten an dinna hmun theuhte tihfai hnatlang thawk tura beisei an ni.

Swachhata Hi Seva 2024 - hman chhung hian 'Plantation Drive'  chu Eco Club, Downtown English School - te nen neih tura ruahman niin, Sanitation Worker, Sanitation Department, LADC hnuaia thawkte tan 'Workshop' leh 'Health Checkup' te neih a ni bawk ang. High School leh Higher Secondary School zirlai naupangte tan 'Peom leh Slogan Writing Competition' buatsaih tur ni bawkin, lawmman hi Cleanliness Week kharna 2nd October, 2024 - a neih turah  ah hlan an ni ang.