2174/2022-2023
Khuangchawi thla ni 4, 2022: Vawiin khan Lawngtlai District Level Socio-Economic Development Policy (SEDP) Committee chu an Chairman, Lawngtlai Bawrhsap Pu Amol Srivastava hovin Lawngtlai DC Conference Hall-ah an ṭhu khawm.
Chairman Pu Amol Srivastava chuan SEDP chu sawrkar flagship programme a nih ang leh a dawngtute'n an hlawhtlinpui ngei theih nan theih tawp chhuaha hma la turin committee member-te leh line department-te chu a chah a. Lawngtlai District chhunga SEDP kalpui chungchangah harsatna a awm chuan Committee hnenah thlen vat zel tur a nih thu sawiin, harsatnate chu chin fel thuai a nih theih nan rang taka hma lak zel a ni ang, a ti.
He hunah hian State Level SEDP Governing Board thuchhuak bawhzui ngai te, Lawngtlai District chhung khaw ṭhenkhata Village Level SEDP Committee aṭanga thu lut te leh line department aṭanga thu lut te ngaihtuah a ni a. A bawhzui dan tur ruahmanna hrang hrang siam nghal a ni.
He hunah hian line department hrang hrangte chuan SEDP hnuaia hma lakna an kalpui tawh leh hmachhawp an neih report an pe a. Line department hrang hrang chuan SEDP sum pek chhuah phalna hmu fel tawhin, beneficiary-te account-a thun turin an buaipui mek hlawm a ni.
Attachment
- Loading attachment...
