DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/lawngtlaiah-district-sports-committee-an-hu-khawm1674036035p

Lawngtlaiah District Sports Committee an ṭhu khawm

3291/2022-2023

Pawlkut thla ni 18, 2023: Lawngtlai District Sports Committee (LDSC) chu vawiin khan Lawngtlai Additional Deputy Commissioner Pu Abraham Beirazi Khithie hovin Lawngtlai DC Conference Hall-ah an ṭhu khawm a. District chhunga infiamna tihhmasawnna tur hrang hrang an sawi ho.

He ṭhut khawmah hian Lawngtlai District Badminton Association (LDBA) aṭanga Republic Day badminton tournament 2023 buatsaihna senso phuhrukna tur sum dilna lut chu ngaihtuah niin, pawm a ni a. Lawngtlai District chhunga infiamna peng hrang hrang tihhmasawn nana Mizoram State Sports Council aṭanga promotional fund 2022-23 lo kal piah lamah LDSC puala sum tuak (fund raise) ṭhin ni se tih niin, sum tuak dan tur ngaihtuah turin Fund Raising Sub-Committee din nghal a ni a. He'ng bakah hian District ṭhalaite'n infiamna kawnga hma an sawnna tura hma lakna tur rawtna hrang hrang sawi ho a ni bawk.

Attachment