120/2023-2024
Tau thla ni 17, 2023: Lawngtlai District Sports Committee (LDSC) chu vawiin khan an Chairman, Lawngtlai Bawrhsap Pu David Lalthantluanga hovin Lawngtlai DC Conference Hall-ah an thu khawm.


He thut khawmah hian DSC Secretary, Lawngtlai District Sports & Youth Officer Pu H. Vanlalbiakzauva hnen atangin report ngaihthlak a ni a. LDSC hnuaia inziak lut discipline/association 16 te'n state level chin chung lama association hriatpui inelna (recognised tournament) khel tura District ai awh an tirh changa LDSC-a tanpuina an dila LDSC hminga sum pai dan tur ruahman fel niin, association hriatpui inelnaa Lawngtlai District hminga feh chhuakte'n hlawhtlin an chana LDSC hminga lawmpui dan tur ruahman a ni a. Hockey Association atanga LDSC-a inziak lut (affiliate) tura dilna lut chu ngaihtuah niin, an dilna hi Mizoram State Sports Council-ah thlen chhawnsak ni se, tih a ni a. Lawngtlai District Football Association (LDFA) atanga MFA Under-17 Tournament leh MFA Cup 2023-a District ai awh intirhna senso phuhrukna dilna te, Lawngtlai District Carrom Association atanga Mizoram Open Carrom Championship 2023-a District ai awh kalna senso phuhrukna dilna leh Lawngtlai District Table Tennis Association (LTDTTA) atanga season closing tournament buatsaihna tur senso phuhrukna tur dilna te ngaihtuah a ni bawk.

Attachment

  • Loading attachment...