1586/2022-2023

Thlazing ni 12, 2022: Vawiin khan Lawngtlai District Water & Sanitation Mission (DWSM) chu an Chairman, Lawngtlai Bawrhsap Pu Amol Srivastava hovin DC Conference Hall-ah an ṭhu khawm.

He hunah hian PHED Lawngtlai WATSAN Division-a Sr Executive Engineer Er Netralal Jaisi chuan DWSM hma laknaa Jal Jeevan Mission (JJM) leh Swachh Bharat Mission-Grameen (SBM-G) hnuaia hna thawh kal mek report a pe a. PHED Lawngtlai Sub-Divisional Officer Er L. Sangromuana leh Chawngte Sub-Divisional Officer Er Lalnunfela te chuan an sub-division huam chhunga hna thawh tawh chin leh hmabak ruahmante an sawifiah a. SBM Coordinator Pu Benjamin Lalrinzuala'n Open Defecation Free (ODF) Plus endikna kalpui dan tur a sawifiah bawk a. He'ng hma lakna hrang hrang chungchangah hian sawi hona hun hman chhunzawm a ni.

Jal Jeevan Mission (JJM) hnuaia kum 2024 hma ngeia thingtlang in tina tui connection (Functional Household Tap Connection) pek kim turah kum 2019-20 aṭang khan Lawngtlai WATSAN Division huam chhungah hma lak ṭan a ni a. Lawngtlai Division hnuaia khaw 168-a chhungkaw 23,213 hnena FHTC pek turah in 11,096 chu pek fel tawh a ni a; hmabak in 12,117 la awm aṭangin in 7,864 chu March 2023-ah pek fel hman leh tum a ni.

He hunah hian NABARD hnuaia RIDF aṭanga ₹ vaibelchhe 90 hmanga sak, mi 25,196 chawm thei tur Chawngte Rural Drinking Water Supply Scheme (Pumping) hna thawh mek chu 40% zawh a nih tawh thu report a ni a. 3rd IR Battalion Thingkah leh Thingkah khaw chhung tana tui pekna tur (Water Supply) siam hna pawh chak taka thawh mek a nih thu report a ni a. Lawngtlai khawpui chawmtu tui lakna, Greater Lawngtlai Water Supply Scheme tihchangtlunna tur DPR chu Urban Ministry-ah theh luh a nih tawh thu leh hemi a hlawhtlin hmaa Amrut 2.0 hnuaia hma lo lak lailawkna tur ruahmanna pawh pawmpui turin UD&PA Department-ah theh luh a nih tawh thu ngaihthlak a ni bawk.