Nehru Yuva Kendra (NYK) Lawngtlai District leh YLA Chandmary Branch Lai Cultural Club te tang kawp huaihawtin nizan khan Chandmary Inpui, Lawngtlai-IV-ah thalaite intawh khawmna District Youth Convention buatsaih a ni. 

He hun hi LCC Chairman Pu Kenny VL Nghaka chuan a kaihruai a. NYK Lawngtlaia Multi Tasking Staff Pi K. Lalhmachhuani’n NYK-in thalaite hma sawn nana hma a lak dan hrang hrang leh programme a huaihawt thin te a sawi fiah a. Lawngtlai DIPRO Pu C. Lalhruaitluanga chuan “Zirna” tih thupui hmangin thu a sawi a. Branch YLA Vice President Pu RC Lalramnunpuia pawhin thu sawiin, LCC secretary report ngaihthlak a ni bawk. 

District Youth Convention hi hma sawnna kawnga thalaite fuih phurna tur leh an chhehvel thil thlengte bengvar nachang an hriat theihna tura hui khawm a, zirtirna a ni a. Hemi kal tlang hian an vei zawng te puang chhuakin, an hma lam hun atan inbuatsaihna an neih thiam theih phah beisei a ni.