2676/2024-2025

Dated Lawngtlai, 24th October 2024 : Vawiin chawhma dar 11 khan 'Jan Suraksha Schemes' thla thum chhung atana 'Saturation Campaign' kalpui dan tur relin District Level Consultative Committee (DLCC) thutkhawm DC Office Chamber, Lawngtlaiah neih a ni a. Pi Margaret J. Vanlalremmawii, SDO ( Sadar) chuan thutkhawm hi  a kaihruai.

Pi Margaret J. Vanlalremmawii chuan DLCC member lokal khawmte chunga lawmthu sawina a nei hmasa a. Jan Suraksha Schemes- chu Insurance Scheme tha tak a nih thu tarlangin, Lawngtlai District chhungah hlawhtling taka kalpui turin Bank- te an pawimawh dawn hle a ti. Mizoram pum huap ang pawha  Financial Literacy Rate- a sang loh avanga 'insurance' ngaihthahna a awm ni a ahriat thu tarlangin, mitinin Jan Suraksha Schemes (Social Security Scheme) thatna an hriatthiamna turin Financial Literacy Campaign (FLC) lamah pawh chak zawka hmalak zel a tul thu a sawi a. Jan Suraksha Campaign- chu thla thum chhung ngawrh taka kalpui tura tih a nih ang takin, he hun chhung hian DLCC member, a bik takin Lawngtlai district chhunga Bank awmte theihtawp chhuah tur leh mipuite tana thahnem ngai taka campaign kalpui turin a sawm a. Mipui tam zawkin campaign- an chhim theihna turin Gram Sabha koh a ngaih tur thu tarlangin Pi Margaret J. Vanlalremmawii chuan DRDO nena thawhhona nei tura hmalak a nih tur thu a sawi.

Pu Joseph M Soren, Lead District Manager (LDM), Lead Bank Office, leh Lawngtlai District- a Nodal Officer nibawk chuan thla thum chhunnga 'Jan Suraksha Campaign'  kalpui a nih dan tur tlangpui leh Bank hrang hrangte mawhphurhna sawifiahna a nei a. Jan Suraksha Schemes - puala Saturated Campaign chu ni 15, October, 2024 atanga ni 15, January 2025 chhung kalpui tur niin ; Lawngtlai District -a Gram Panchayat - 44 ah Jan Suraksha Campaign neih tura ruahmanna siam a nih thu tarlangin, Bank ten Campaign an neih tur hmun leh nei hun tur a tarlang a. Pu Joseph M Soren chuan Jan Suraksha Campaign kalpui chhungin bank- te chu vawi khat tal campaign nei ngei ngei tura chahin, report kim chang tak Lead District Manager (LDM) hnena theh lut turin chah nghal bawk.

Jan Suraksah Schemes - hi Social Security Schemes niin ni 9, May 2015 atang khan sawrkarlaipuia Ministry of Finance hnuaiah kalpui tan a ni a. He Scheme hnuaiah hian Micro - Insurance Schemes pahnih,  Pradhan Mantri Jeevan Jyoti Bima Yojana (PMJJBY) leh Pradhan Mantri Suraksha Bima Yojana (PMSBY) a awm a ni. PMJJBY- hi Life Insurance Scheme a ni a,  Annual premium - Rs. 436 niin, eng vang pawh  thihna a thlenin cheng nuai hnih claim theih a ni. PMSBY- hi Accidental Insurance Scheme niin, Annual premium - Rs. 20 a ni a, accident vanga thihna emaw 'Full disability'  a thlenin cheng nuai hnih claim theih niin, 'Partial disability' ah chuan cheng nuai khat thleng claim theih a ni.