2732/2024-2025

Dated Lawngtlai, 29th October, 2024 : Vawiin chawhma dar 11 khan 'Draft Electoral Roll of Special Summary Revision 2025' tlângzarhna DC Conference Hall- ah neih a ni a, Pi Sangchin Chinzah, IAS, Electoral Roll Observer, chuan Draft Roll-  hi a tlangzarh.

Pi Sangchin Chinzah, IAS, chuan Draft Electoral tlangzarhnaa lo kalte hnena lawmthu sawina a nei hmasa a. 'Draft Electoral Roll of Special Summary Revision 2025' tlangzarh theih tura buaipuitu zawng zawngte inpekna fakawm a tih thu sawiin, hmalam hunah pawh thahnem ngai taka thawk zel turin a chah a.  Pi Sangchin Chinzah chuan 'Democracy' ramah mipuiten an aiawh thlang turin Electoral Roll dik, tha leh fel fai tak a awm a pawimawh hle tih tarlangin, Electoral Roll siam kawngah fimkhur a tul hle a, E/Roll rintlâk nei tura theihtawp chhuah zel turin Election Official- te a chah a. Pi Sangchin Chinzah chuan  Election Commission of India (ECI) pawimawh na hriaa, an thuchhuak leh duh dan ang zel a hmala thin turin Election Official leh kalkhawmte a sawm nghal a ni. 

Pu Collin Hlychho, Election Officer (EO) chuan Draft Electoral Roll 2025 tlangzarh tura hmalak dan sawi zauna a nei a. E/Roll 2025  atanga hming paih leh dah luh  a nih dan tlangpui sawifiahin, Claims and Objection period -a in tan nghal tih a tarlang bawk.

'Draft Electoral Roll of Special Summary Revision 2025' tlângzarh tak atanga a lan danin, Lawngtlai District - a Assembly Constituency pathum, 36- Tuichawng (ST), 37- Lawngtlai West (ST) leh 38- Lawngtlai East (ST) ah Vote nei Mipa -46,358, Hmeichhia -46,493 awmin, vote nei zawng zawng hi mi -92, 851 an awm mek a. 36- Tuichawng (ST) AC-ah vote nei- 36,705 awmin, 37- Lawngtlai West (ST) AC-ah vote nei - 29,983 awmin, 38- Lawngtlai East (ST) AC-ah vote nei- 26,163 an awm bawk. Service Voter hi 36- Tuichawng (ST) AC- ah mi - 152 awmin, 37- Lawngtlai West (ST) AC- ah mi - 42 awmin, 38- Lawngtlai East (ST) AC- ah mi- 29 awm bawkin, service voter- 223 an awm mek a ni.

Vawiin 'Draft Electoral Roll of Special Summary Revision 2025' tlângzarh inkhawmah hian Electoral Registration Officer (ERO) Assistant Electoral Registration Officer (AERO), Booth Level Officer (BLO) leh Political Party aiawh an tel thei a. Pi Sangchin Chinzah, IAS, Electoral Roll Observer, chuan Political Party aiawh lo kal te hnenah Draft Electoral Roll Copy khat theuh a hlan nghal a. Pu Cheemala Siva Gopal Reddy, IAS, District Election Officer (DEO) chuan lawmthu sawina neiin hun a khar.