Vawiin khan Lawngtlai District Level Standing Committee for 2nd Special Summary Revision of Electoral Roll 2018 chu Lawngtlai DC Conference Hall-ah an Chairman, District Election Officer Pu N. Chakhai MCS hovin an thu khawm a. Kumina MLA inthlan lo awm tur atana electoral roll chungchanga hma lakna tur hrang hrang an sawi ho.

MLA Inthlanpui 2018 puala 2nd special summary revision atan hian ni 31.07.2018 hian draft electoral roll tihchhuah tum a ni a. Ni 21.08.2018 thleng claim & objection siam theih a ni ang a. Hei hi ERO-te'n ni 20.09.2018 hmaa ching felin, ni 26.09.2018 hmain e/roll siam that hna thawh a ni ang a. Ni 27.09.2018 hian final publication tihchhuah hman tum a ni.

Vawiin thut khawmah hian roll-a hming chuang nawn (double enrollment) leh thil felhlel dang a awm loh nan thawktute chuan theih tawp chhuahin, political party lam paw'n lo bengvarpui se tih a ni a. Critical leh vulnerable polling station chungchang pawh sawi ho niin, uluk zawka enfiaha tichiang turin a bialtu AERO-te chu beisei an ni a. Political party-te chu polling station tin atana booth level agent (BLA) ruat a, August ni 10 hmaa DEO-ah a list theh lut tura tih an ni bawk.

Attachment

  • Loading attachment...