2072/2023-2024

Lawngtlai dated 29th September 2023: Vawiin chawhnu khan Aeropagi, Bazar Veng, Lawngtlaiah District Election Office, Lawngtlai ruahmannain vantlang tan Electronic Voting Machine belhchianna leh Vote thlak pawimawh zia inzirtirna hun buatsaih a ni a. Pu Hmingthanzuala, DIPRO, SVEEP Nodal Officer ni bawk chuan hun a kaihruai a ni.

Vantlang tan a EVM belhchianna leh tihchhinna hun Aeropagi, Bazar Veng, Lawmgtlaia buatsaihah hian School zirlai, kum lam a update leh lirthei khalh a eizawngten an hlut hle a. Vote thlak chhin leh EVM hman dan rawn zawt chiang mi engemaw zah an awm a ni. Lawngtlai district-ah hian Vote nei atanga Vote thlak zat (Voter turnout) an pun theih nan Systemic Voter Education and Electoral Participation (SVEEP) kaltlangin Cable TV leh Social Media ah Vote thlak pawimawh zia inzirtirna kalpui mek a ni a. Sector Officer tan Polling Station tin ah kalchhuakin a duh apiang tan EVM hman dan an zirtir bawk a ni. Lawngtlai khaw chhungah hian hmun laili lai ah EVM belhchianna hun hi buatsaih chhunzawm tum a ni.