2073/2023-2024

Aizawl, the 29th September 2023: Vawiin khan Pu Ghulam Mustafa, Joint Secretary (GM), Ministry of Health and Family Welfare, Mizoram a cham mek chuan Aibawk PHC a Ayushman Mela hmannaah a tel puiin endik hna a rawn thawk tan.

Dr. Eric Zomawia, Mission Director, NHM chuan JS hi thlenna Aijal Club atangin a thlah liam a. Pu Ghulam Mustafa hi Ayushman Bhava Campaign thlakhat chhung awh tur a tana Mizoram min monitor tur a Ministry-in Nodal Officer a tana a ruat a ni.

Health Mela neih mekna Aibawk PHC a tlawhna-ah hian Chief Medical Officer, Aizawl West leh Health department staff thenkhat te an tel bawk. Joint Secretary (GM) hian Zoram Medical College tlawhin Medical College a Director leh thawktu te nen an thukhawm a, Hospital tlawh kualna neiin ZMC hotute hian an mamawh hrang hrang te an thlirpui. Pu Ghulam a hian nimin September ni 28 khan Lengpui CHC leh RIPANS te a tlawh tawh bawk. Lengpui CHC leh RIPANS-ah te hian NCDC hmun hma tur te en in a thawk tute nen pawh inkawmhona hun an hmang.

Joint Secretary (GM) hian naktuk lamah Swachhta Seva, khawtlang tihfai runpui hi Hlimen UPHC leh a khawchhungah a hmanpui leh dawn a.  Ayushman Bhava-a activity pakhat Blood Donation Camp te pawh a la tlawh leh dawn a ni. Swachhta Seva hi October ni 1, Chawlhni a hman tur a tih ani na in, Mizoramah chuan inrinni ah hian kan hmang dawn a. Damdawiin hrang hrangte leh Local NGO te tangkawpin mahni khawchhung/ Vengchhung phiahfai runpui neih tum a ni.