2074/2023-2024

Khawzawl, 29th September: Vawiin khan Khawzawl Bawrhsap, District Election Officer ni bawk Pu K. Lalrohlua kaihruaiin Khawzawl DC Office Chamber-ah MLA General Election 2023-a hman tur ‘Vehicle Hiring Rate’ bithliah turin thutkhawmna neih a ni.

He hunah hian Khawzawl DEO Pu K. Lalrohlua bakah Election Officer, Pu Timothy R. Lalhmangaiha ten kalkhawmte hriattur pawimawh an sawi a. Inrawnkhawmna neih a nih hnuah Inthlanpui neih huna motor hman man bithliah fel a ni.

Vawiin thutkhawmah hian Khawzawl SP Pu Lalchhuanthanga,  Khawzawl SDO (Sadar) Pu Vabeimozachhi Chozah, BDO Lalthakima Chhangte leh official dangte an tel a. Khawzawl Maxi Cab Owners Association aiawhte bakah Champhai DTO aiawh te meeting-ah hian an tel bawk a ni.