District Election Officer, Lawngtlai District huaihawtin vawiin khan DC Conference Hall-ah EVM/VVPAT hman dan inzirtirna leh election slogan & hla inphuahsiak lawmman semna hun hman a ni.

He hun hi Election Officer Pu Lalrinawma MCS chuan kaihruaiin, sikul naupang kal khawmte chu electoral roll-a inziah luh a pawimawhzia leh vote thlak pawimawhzia a hrilh a. EVM/VVPAT chungchang hriat tur tulte hrilhfiahin, a hman dan a zirtir a. Lawngtlai DIPRO Pu C. Lalhruaitluanga pawhin thu a sawi.

Election slogan inphuahsiakah hian MC Lalnunmawia, AOC Veng chu pakhatna niin, mi pali hnenah consolation prize hlan an ni a. Election theme song inphuahsiakah hian A. Lalzara, Council Veng chu pakhatna niin, mi pahnihin consolation prize an dawng bawk.

Hun hman zawh hian EVM/VVPAT hmangin kal khawmte hian vote an thlak chhin nghal a ni.