Police PRO  thuchhuah chuan ruihlo donna kawnga Police hmalakna kal mek zel a hnuaia mi ang hian a tarlang.

Aizawl DEF hnuaia DSB Staff te chuan Dt. 03.10.2018 khan Rakzu Litre 74 Phunchawng atangin an man a. Tin, Phunchawng area vek ah hian Rakzu siamna Factory tichhia-in zu bilh lai zem 5 (nga) lai an ti chhe bawk a, hengte hi Rs. 80,000/- man hu vel a ni.

Tin, DSB Staff te hian Dt. 1^st - 2^nd October, 2018 chhung khan Sapzu Um 76 (bottles) Zampuimanga Thlan bulah an man a, Rakzu Litres 187 lai World Bank road ah man bawk in hengte hi Rs. 41,650/- man hu vel niin, a neitu te Police Station-ah thubuai siamsak an ni.

Dt. 03.10.2018 vek hian Darlawn Police Station Staff te chuan zu check beihpui thlakin Darlawn Ram chhungah Rakzu Factory hmun hnih (2) ah tihchhiat a ni a. Zu bilh lai engemawzat tihchhiat vek a ni.

Mizoram Police chuan Ruihhlo dona kawngah mipui te chu Police te thlawp chhunzawm zel  turin a ngen nghal a ni.