October ni 2-9 chhunga hman Faina Hapta 2019 Lawngtlai District tana kharna hun chu vawiin khan Lawngtlai DC Conference Hall-ah hman a ni.

He hun hi Lawngtlai Sub-Divisional Officer (Sadar) Pi Rochuangkimi Khenglawt, MCS chuan a kaihruai a. Lawngtlai khawpuiin faina kawnga hma a sawnna chu Mizoram khawpui fai inelnaa district headquarters pariat (8) zinga pangana (5th rank) a ni thei leh, khawpui (town) sawmhnih pathum (23) zinga pakuana (9th rank) a ni thei chuan a tilang chiang hle tih sawiin, chu nihna chu mipuite thawh rah a ni a, a aia sang zawk thleng tura beih chhunzawm zel a pawimawh dawn a ni, a ti.

He hunah hian Faina Hapta 2019 hman chhunga restaurant/tea stall, zirna in leh office fai inelna endiktu (inspection team)-te hnen atangin an endik dan leh an thil hmuh dan te ngaihthlak a ni a. Result puan niin, lawmman sem nghal a ni. A chanchinbua faina leh thianghlimna inzirtirna lam hawi a chhuah that avangin The Lawngtlai Post Editor Pu Lalngheta Ralte hnenah Urban Development & Poverty Alleviation (UD&PA) Department hmingin 'ngaihhlutzia entirna thuziak hun mawi' leh pawisa fai Rs.3,000/- hlan a ni bawk.

Faina Hapta 2019 pual hian restaurant fai berah New Adalia Restaurant, Bazar Veng, pahnihnaah MB Restaurant, Chandmary leh pathumnaah God's Gift Restaurant-II, Bazar Veng te thlan niin, certificate bakah, pakhatnain Rs.  10,000/-, pahnihnain Rs. 8,000/- leh pathumnain Rs. 5,000/- te an dawng a. School zinga fai berah Govt Bethel Middle School, pahnihnaah ANM School Lawngtlai leh pathumnaah Govt Primary School-I, Chandmary te thlan niin, certificate bakah, pakhatnain Rs. 20,000/-, pahnihnain Rs. 15,000/- leh pathumnain Rs. 10,000/- te an dawng a. Sawrkar office zinga fai berah ANM School Lawngtlai Principal office, pahnihnaah District Medical Superintendent office leh pathumnaah District Education Office te thlan niin, certificate bakah, pakhatnain Rs. 20,000/-, pahnihnain Rs.  15,000/- leh pathumnain Rs.10,000/- te an dawng a ni.

Vawiina Faina Hapta kharnaah hian sawrkar official-te, tlawmngai pawl hrang hrang ai awhte, zirla