1159/2022-2023
Vawkhniahzawn thla ni 5, 2022: Vawiin khan Lawngtlai Bawrhsap Pu Amol Srivastava hovin a office chamber-ah sawrkar department hrang hrang hnuaia hmeichhia leh naupangte hamṭhatna tur ruahmanna (scheme) awmte hlawhtling zawka kalpui a nih theih nana a kaihhnawih department te thawh hona ṭha zawk a awm theih dan tur sawi ho a ni.
He hunah hian District Administration official-te, Health & Family Welfare Department aṭangin Chief Medical Officer leh Senior Medical Officer te, Social Welfare Department hnuaia Integrated Child Development Scheme aṭangin District Programme Officer, Child Development Project Officer leh Circle Officer te, Integrated Child Protection Scheme aṭangin District Child Protection Officer te an kal khawm a. PM Cares for Children Scheme, ICDS - Poshan Abhiyan - Anganwadi, District Child Protection Committee, Beti Bachao Beti Padhao leh Immunisation Scheme hrang hrang hnuaia hma lakna tur te sawi ho a ni.
He'ng hmeichhia leh naupangte hamṭhatna scheme leh programme-ah te hian department pakhatin hma lakna (activity) an kalpui reng rengin a kaihhnawih department dangah hriattir ve zel ni se tih te, tha leh zung leh pawisa sen tihtlem nan department/scheme pakhat programme-ah a theih ang angin department/scheme dang programme zeh tel leh kal kawppui dan zawn ṭhin ni se tih te, naupang hri danna (immunisation) pek chungchanga health department leh ICDS lam ṭha zawka thawh ho theih dan tur te, damdawi ina nau neih tihpun nana ṭha zawka department pahnih thawh ho theih dan tur te, a bika humhim leh humhalh ngai naupangte hriselna dinhmun ṭha zawka vil a nih theih nana health department lam nen thawh ho dan tur te chu he hunah hian sawi ho a ni.
Attachment
- Loading attachment...
