Vawiin khan Lawngtlai DC Conference Hall-ah Lawngtlai District Legal Services Authority (DLSA) huaihawtin Human Rights Day hman a ni a. Pawikhawhna thlenga a tuartu (victim)-te hnenah zangnadawmna hlan an ni.

He hun hi Lawngtlai Bawrhsap, DLSA-a ex-officio member ni bawk Pu N. Chakhai MCS chuan hmanpuiin, human rights day hman ṭan a nih dan leh human rights hnuaia mipuite dikna chanvo humhalh a nih dan a sawi a. Zirlai kal khawmte chu human rights pawimawhzia hre thar leh turin a chah.

Vawiina hun hman hi Lawngtlai District Court-a Advocate Pu MC Lalbiakliana'n a kaihruai a. Resource person, APP Pi Ngurthantluangi'n kal khawmte chu Human Rights chungchang zirtirin, khawvel puma mihring dikna chanvo bawhchhiat a nih ṭhin dan te, chuti ang thil thleng thei laka inven leh pumpelh dan te a sawi a. He hunah hian Advocate C. Lalrinfela kaihhruaina hnuaiah Lawngtlaia a ṭum khat nan pawikhawih tuartu (victim of crime) thlan chhuah mi panga (5) hnenah zangnadawmna pek niin, ₹ nuai 16 sem chhuah a ni.