Kumin MLA inthlan neih zawh taka Vote chhiar ni tura bituk naktuk December ni 11 a tan Kolasib District chu a inpeih tawh tih thudawn a ni.

Kolasib District huam chhunga A/C pathum a vote tla te bakah Dak kal tlanga vote thlak te chu Government Kolasib College a Counting Hall hran theuhah chhiar tur niin Kolasib A/C huam chhunga  Polling Station 28 a Vote tla te chu Counting Table 6 a chhiar an ni ang a, Serlui A/C huam chhunga Polling Station 31 a vote tla te chu Counting Table 14 a chhiar tur ni in, Tuirial A/C huam chhunga Polling Station 25 a Vote tla te chu Counting table 6 a chhiar an ni ang.

Security hmalakna tur leh Counting Officials te tana inpuahchahna tul zawng zawng te pawh peihfel ni a thudawn niin December ni 11, 8:00 AM atanga Vote hi chhiar tan tur an ni ang. Kolasib District a A/C pathum te tana RO leh Observer te chu a hnuaia ami te hi an ni.