Vawiin chawhma dar 11:00 khan DC Conference Hall, Serchhip ah Mizoram Legislative Assembly inthlanpui kan neih taka vote tlate chhiartu tur Counting Officials leh Counting Agents ten training an nei a; Chawhnu dar 2:00 khan Micro Observer mi 39 ten training an neih leh bawk a. General Election 2018 vote chhiar turin Serchhip District Election Office chu kawng engkimah a inpeih tawh ani.

Election Counting Official-te leh Counting Agent-te tana Trainingah hian Pu Chuauhnuna, Dy. DEO Serchhip chuan vote chhiar hna thawk tura thlan chhuahte hnathawh tur leh hriat tur pawimawh  chi hrang hrangte leh an tih tur leh tih loh tur te a sawi a ni.

Tun um Vote chhiar dan tur hi kum dang zawng aia kalphung khauh zawka neih a ni dawn a. Counting Hall-ah tuman phone ken luh phal a ni dawn lova. Counting Table pakhat atangin Table dang ami enkual theih a ni dawn lo bawk a ni. Vote chhiar chhungin kawngkhar in khar hnan vek tur niin, zun ram thiar hun pawh a rual khai deuh zawka siam a ni ang.

Counting Agent-te chu zing dar 7:00 ah DC Office tual thlen hman tur a ni a, dar 7:45 ah counting hall-a luh kim vek tur a ni ang. Dar 8:00 atangin postal ballot Service vote chhiar tan ani ang a, dar 8:30 atangin EVM vote tla te chhiar na first round an a ni ve leh ang. Round hnihna erawh Service vote chhiar zawh anih hma chuan chhiar an theih a ni rih dawn lo a ni. Vote chhiar hi Round thumah chhiar zawh tur niin chawhma dar 11 ah chuan chhiar zawh hman vek beisei a ni.

Vawiinah vek hian SP Office, Serchhipah pawh naktuka Counting Day-a Police duty turte tan thil tul leh pawimawh hrang hrang inhrilhhriatna hun Serchhip SP Pu Sathiyasudaram, IPS hovin neih ani bawk.