3775/2023-2024

Lawngtlai dated 12th February 2024: Nimin khan Aerapagi, Lawngtlaiah lirthei khalh chungchang a dan inhrilhhriat tharna hun ‘Road Safety Month’ pualin ‘I him theih nan Traffic Rules-te zawm thin ang che’ tih thupui hmangin hun hman a ni a. Pu Danny Lalchhuanawm, DTO chuan hun kaihruaiin Pu Cheemala Siva Gopal Reddy, Deputy Commissioner chuan a telpui bawk a ni.

Lawngtlai Deputy Commissioner Pu Cheemala Siva Gopal Reddy chuan dan ngaih pawimawhna leh fimkhurna chuan lirthei vang a chetsualna nasa takin a tih tlem phah theih thu sawiin lirthei khalhtute kut ah an mahni leh midangte nunna thui tak a innghah thu a sawi a. Lawngtlai district-a ‘Road Safety Month’ hman chhung hian lirthei hmang a eizawngte leh lirthei khalh thin zawng zawng ten dan an zir thar a, dan zawm an ngaih pawimawh zualna atan a hun tangkai a hmang turin mipui a chah.

Lawngtlai khawpui chhung a dan zawm tha, Autorickshaw, Taxi leh Maxi cab driver thlan chhuahte leh dan kenkawhna kawng a thawk tha thlan chhuah Traffic Police hnen ah Pu Elvis Lalthangzuala, President, MJA chuan lawmman a hlan a, Pu Lalruatpuia, Transport Officer, LADC chuan kalkhawmte hnen a lawmthu sawina a hmang bawk a ni. Lawmman dawngtute chu ;

1. Best Autorickshaw Driver : MC Lalchungnunga, Council Veng
2. Best Taxi Driver : T. Lalnunzira, Council Veng
3. Best Maxi cab Driver : C. Laldingpuia, Electric Veng
4. Best Traffic Police : Constable Joseph Lalramhlunzauva, Council Veng