1394/2026-2027

Dated Lawngtlai, 14th July, 2026: Vawiin chawhma dar 11:00 AM khan DC Conference Hall, Lawngtlaiah Bawrhsap Pu Donny Lalruatsanga kaihhruaina hnuaiah Lawngtlaia India ram zalenna ni champha phak, Independence Day 2026 hman dan tur rela thutkhawm neih a ni.

Pu Donny Lalruatsanga chuan hun chep tak kara thutkhawm ngai pawimawha lo kal te hnena lawmthu sawina a nei a. Bawrhsap chuan India ramin zalenna a hmuh hi India khua leh tui tan chuan ni pawimawh tak a ni a, sawrkarlaipui pawhin a ngai pawimawh hle a; Lawngtlaiah urhsun leh khunkhan taka Independence Day hman a nih theih nan mawhphurhna nei zawng zawngte uluk taka ngaihtuahna seng tur leh Lawngtlai mipuite pawh he ni ngaihlua, a lawmna lama kal vek turin a sawm nghal a ni.

He hunah hian  Independence Day atana Bawrhsap Office-in ruahmanna an duan an chhawp chhuah chu thlirho niin, kumina Independence Day lawmdan tur an relho nghal.

Thutkhawm  chuan kumin Independence Day lawmna atan Central YLA Playground, Chandmary thlangin, August ni 15, 2026 (Inrinni) zing dar 8:00 AM ah hman ni se, tiin a rel a. Khuallian tur GAD lam atanga thuchhuak hmuh a la ni lo. School naupang atanga Parade Contingent - beisei niin, Mizoram Police Armed Contingent atangin 'Guard of honour'v beisei a ni a. Independence Day ni-ah hian sawrkar Office, zirna In leh sawrkar quarters-ah te hnam puanzar zar vek tura tih a ni.  Lawngtlai khawpui chhunga damdawi In pathum – District Hospital Lawngtlai, Lairam Christian Medical Centre & Hospital leh Christian Hospital Lawngtlai te, chhawmdawlna In – Lairam Motherless Home,  District Jail, Lairam Rescue Centre, Oasis Boys Home leh Gilead Drop-In Centre-ah te Independence Day pual tanpuina thilpek pek leh ni se, tih a ni bawk.

Independence Day lawmna ata hian 'Parade Sub- Committee' din nibawkin, parade zir hun, parade endiktu ruat leh lawmman sem turte an kutah dah a ni. Medical Duty chunchang lo buaipui turin District Medical Superintendent ruat a ni a, power supply chu EE, P&E, Lawngtlai kutah dah a ni. Ground Preparation leh White Washing-  ti turin MPWD leh PWD, LADC te kutah dah a ni.  Live Coverage hi DIRRO, Lawngtlai leh I&PR, LADC te beisei niin Rostrum leh Flag Post buaipui turin Superintendent of Police, Lawngtlai ruat niin, Don Bosco School- Brass Band chu 'National Anthem' tumrem tura ruat a ni.

LADC chu Independence Day puala 'At Home Function' buatsaih tura beisei niin, function neihna tur hmun pawh an  kuta dah a ni. Executive Secretary, LADC leh Department hrang hrang hotute chu 'Achievement Report' ni 5, August, 2026 hma ngeia Deputy Commissioner Office- a thehlut tura tih niin, lo khaikhawm turin DIPRO, Lawngtlai ruat a ni bawk. Department leh NGO pual bika chawimawina pek tur nei ten Ni 10 August, 2026 hma in Deputy Commissioner Office - ah hriattir tura tih a ni. Kumin Independance Day ah hian MZU hnuai a graduate result chuaka Lawngtlai District atanga Rank holder, Mizoram Diet Exam leh Mizoram Nursing Exam - a rank holder - te hnenah lawmpuina hlan a ni ang a, Drugs Free Village te hnenah pawh hlan ani bawk ang. Independence Day - puala pawisa   thawh tura tih department - te a hun taka DC Office-  a thehlut tura tih an ni bawk. Kumin Independence Day lawmna pual hian Football leh Badminton Tournament buatsaih nise tih a ni.

Vawiin thutkhawmah hian State sawrkar leh  LADC hnuaia Department Official-te, CYLA, LWA, MHIP, MUP, LUP,  District MJA ai awhte bakah Ex-Servicemen Association, District Sports Association leh Political Party-  ai awhte an tel  a ni.