1395/2026-2027

Lawngtlai, the 14th July, 2026 : Vawiin chawhnu dar 2:00 PM khan Deputy Commissioner Conference Hall, Lawngtlaiah Bawrhsap Pu Donny Lalruatsanga kaihhruaiin District Level Nasha Mukt Bharat Abhiyan  leh Operation Jericho  Lawngtlai District thutkhawm neih a ni.

Pu Donny Lalruatsanga chuan member kalkhawmte hnenah lawmthu a sawi a. Nasha Mukt Bharat Abhiyan- chu Ruihhlo that loh zia inzirtirnna (Awareness) campaign lam hawi niin Centrally Sponsor Scheme a ni a, sum pawh hi 'Ministry of Social Justice & Empowrment'  atanga 2025 khan nuai 10 sanction a nih thu a tarlang a. College, NGOs leh Kohhran kaltlanga hmalakna atan hman a nih tawh thu a sawi. Bawrhsap chuan Mizoram sawrkar hmalaknaa 'Operation Jericho' pawh tha taka kalpui a nih thu sawiin, Lawngtlai District chu 'Drugs Free District' a  nih theih nan chak taka  hmalak mek zel a nih thu a tarlang bawk.

Thutkhawm chuan 'Operation Jericho' kaltlanga Ruihhlo a tlem thu pawm tlangin, State sawrkarin a kalpui chhunzawm lo chunga Lawngtlai District bikah  thla thum chhung  kalpui chhunzawm a ni chu lawmawm an rih thu an tarlang a.Tun dinhmunah Mizoram sawrkarin kalpui  chhunzawmna a tumna a awm rih loh avangin 'Operation Jericho' bik chu  chawlh lailawk ni se,  Furpui zawh lamah chhunzawm dan ngaihtuah leh thuai ni se tih a ni.Thutkhawm hmasaa  District Level NMBA leh DRS, CYLA-  te nen tangkawpa tunkum atana Salvation Camping neih tura ruahman chu Speaker beisei te an remchan theih loh avangin nakum Febuary thlaah 'Salvation Camping' hi  neih ni se an ti bawk a ni.

Vawiin thutkhawmah hian District Level Nasha Mukt Bharat Abhiyan leh Operation Jericho Commitee Member - te an tel kim tha hle a, Pu Donny Lalruatsanga chuan lawmthu sawiin hun a khar.