1396/2026-2027

Lunglei, 2026 Vawkhniahzawn thla ni 14: Vawiin khan Lunglei District Level Authority for Mizoram Government Land Pooling & Management Scheme chu an Chairman, District Bawrhsap Pi Navneet Mann hovin Lunglei DC Conference Hall-ah an ṭhu khawm a. Lunglei District & Sessions Judge Pi R. Lalduhawmi bakah, District Court hotute leh Lungleia sawrkar office hrang hrang ai awhte an tel.

He ṭhut khawmah hian Lunglei District Court sakna tur ram mamawhna avanga Mizoram Government Press awmna, Lunglawna Printing & Stationery (P&S) hmunhma leh building nena District Court atana luah mek building leh hmunhma inthleng leh siam rem rawtna awm mek chungchanga hma lakna te sawi ho a ni a. Assistant Commissioner (Revenue) Pi Jennifer Vanlalhruaii Pachuau chuan Lunglawna P&S ram zau zawng leh dinhmun bakah, P&S leh District Court tana ram ṭhen sawm a rem leh rem loh dan an zir chianna report chu a lem nen meeting hmaah pharhin, IPRP&S Minister hova ram inthleng chungchanga ṭhut khawm thu relte tar lan a ni bawk a. Ruahmanna hrang hrang chak zawka kalpui a nih theih nana rawtna leh bawhzui dan tur te sawi ho a ni bawk.