1397/2026-2027

Lawngtlai, the 14th July, 2026 : Vawiin chawhnu khan Deputy Commissioner, Lawngtlai Office Chamber-  ah Bawrhsap Pu Donny Lalruatsanga kaihhruaiin Mobilization for Aids Suraksha (MAS) chungchangah District Aids Prevention Control Committee thutkhawmna neih a ni.

Bawrhsap Pu Donny Lalruatsanga chuan member kalkhawmte hnenah lawmthu a sawi a. HIV/  AIDS do leh umbo kawngah tha thlah theih a ni lo a, thahnem ngai taka thawh zel a pawimawh hle a ti. HIV/AIDS do kawngah a bul thuta  thawktute inpekna leh thahnem ngaihna fakawm a tih thu tarlangin, thahnem ngai taka thawh zel turin a fuih a. IEC Campaign 'India Fight against HIV/AIDS & STI' pawh nikum lamah tha taka kalpui a lo nih tawh thu tarlangin, sawrkar kutah engkim dah theih a ni lo tiin,  mimal, chhungkua, NGO, leh  Kohhran te  theihtawp chhuah zel turin a sawm bawk.

Pi H.Lalvenhimi Sahyogi chuan April - June 2026 thlenga hmalak dan report pein MICTC & DSRC, TI Referal : Screening  167, Diagnosed Positive-10, Linked to ARTC-9; MHIP Migrant : Screening-1195, Diagnosed Positive-1, Linked to ARTC -1.

PHCs : Screening-86, Diagnosed Positive- 1(unknown);  Chawngte : Screening-315; SAICTC Lawngtlai & MICTC : Screening-1359, Diagnosed Positive-12, Linked to ARTC-12 a nih thu ngaihthlak a ni.

Thutkhawmah hian Screening tura Target neih zat  phak turin ruahmanna felfai tak siam ni se, DAPCC - ah a hma lama thehluh  ni se an ti a.  July thla chhung atan BDO leh Medical Officer te nen tangkawpin Bungtlang, Buangpui NG, Cheural, Rawlbuk,  Zochachhuah leh Chawngte - ah te ' Screening' neih hman tura ruahmanna ni se tiin, Lawngtlai District chhunga 'Commercial Vehicle' khalhtute tan 'Free Clinic'  neih ni se an ti bawk  a ni.

Thutkhawmah hian Lawngtlai District Aids Prevention Control Committee (DAPCC) Member- te  an telkim tha hle a, Bawrhsap chuan lawmthu sawiin thutkhawm hi a khar.