Sardar Vallabhbhai Patel-a piancham denchhenin tukin khan Lawngtlai khawpui chhunga zirlaite'n inpumkhatna kawngzawh (unity run) an nei.
He hun hi LADC Chief Executive Member Pu VL Hmuaka chuan a hmanpui a. 'Unity run' chu India rama chengte inlungrualna leh inunauna tinghet zel tura buatsaih a nih thu sawiin, Lawngtlaiah pawh ram chhung hmun dangte ruala hman a ni ve thei chu lawmawm a tih thu a sawi a. Ram leh hnam dam nan leh din chhuah nan a mi chengte inkarah inpumkhatna tha a awm a tul tiin, inpumkhatna kawngzawh chuan India rama hnam hrang hrangte inkara intihhranna rilru paih bovin inpumkhatna tha tak siam thar se, a tih thu a sawi.
Lawngtlai District Education Officer Pu Lalzuiliana chuan kawng zawh turte hi a vai liam a. SSA Co-ordinator Pu Lalawmpuia kaihhruaina hnuaiah Chandmary kawn atanga chhuakin, Lawngtlai Bazar-a Areopagy thleng inpumkhatna kawng hi zawh a ni.
He kawngzawhah hian Lawngtlaia middle sikul, high sikul leh higher secondary sikul hrang hrang zirlaite an tel a ni.
