Vawiin khan Vanapa Hall ah 39th Cash Award for Proficiency in Science & Mathematics 2016 hman a ni a. School Education Minister Pu H Rohluna chuan School hrang hrang atanga he subject bik a titha te hnenah lawman a sem. 

Mizo te tana subject awlai lo pawl tak Science leh Mathematic ah zirlai thiam leh titha tak tak an lo awm chho chu lawmawm a tih thu leh a chhuan thu sawiin Khuallian Pu H.Rohluna chuan Science leh Mathematics subjects bikah hmasawnna tura hma lo la a, thahnemngai taka thawk thin vawiin a Fam chang tawh te leh Pension tawhte hriatreng an niin an hmalak tawh naah lawmthu sawi nachang hriat a tul a ni a ti a. A bulthut atanga thiam chuan heng subject te hi thil har an ni lova, thiam bel erawh a ngai thung a, Sorkar pawhin a ngaihpawimawh a vangin heng subject bik zirtir tur hian zirtirtu thahnem tak lak a tum a. Recruitment Rules leh tul dang te peihfel a ni tawh in a tul ang te bawhzui mek a ni a, reilo teah peihfel anih a beisei thu a sawi. 

Zirlaite hian thiamna tak tak an neih a ngai a, India Sorkar pawhin zirna tha hi a ngaipawimawh a, hnam dangte el pha tura zir chhuah a ngaih thu leh tun hnai maiah Central lam hotute nen New Education Policy chungchang leh zirna leh a kaihhnawih chungchang an sawi ho thu sawiin Education Minister chuan Zirlaite fail theih loh tih leh Board Exam Selection ngailo anga sawite thlir ho leh anih thu sawiin No Retention Provision chungchang chu State Sorkar thuneihna hnuaia dah rawt anih thu a sawi a. A thiam leh a tling apiangte dinchhuahna hun a nih tawh avangin zirlaiten thahnemngai taka zir a pawimawh a. Examna ah pass mai duhtawk lovin midangte chhawrchhuah theih leh thiam taka zirtir thei tura inchherchhuah a ngaih thu a sawi bawk. 

Tunah hian Zirna Education bakah hemi in a kaihhnawih building hrang hrang siamtha in beihpui thlak mek a nih dan khuallian chuan sawiin hemi atan hian sum thahnemtak Crore 24 lai beisei a ni a, chutih laiin a pawimawh ber chu zirna sikul building anih rualin thiamna, thuawihna, taimakna leh hlawhtling tura zirchhuahna leh nungchang mawi leh tha zirchhuah a ngai a ni a ti a. 

Vawiina programme te hi zirlaite an lo phur a, hmasawn zel beisei na nena duanchhuah anih angin hetiang lawmman la thei vek tura tan la tura fuih in lawmman la te chu lawmpuina Minister chuan a hlan a ni. Zirbing miten ram hmasawn nan Science leh Mathematics thiamna hi a bulthut pawimawh tak a ni tih an sawi thin a. Chu'mi changchawi chuan Cash Award for Proficiency in Science & Mathematics hi Education 5epartment-in kum 1978 atang khan a duang chhuak a ni. A tum pawimawh dangte chu school naupang zingah, Science & Mathematics subject-ah tuina leh inelna thianghlim a awm theih nan leh tih lar nan kum tinin he Cash Award hi hlan thin a ni a, tun hi a vawi 39-na a ni. 

Primary School Leaving Certificate (PSLC) leh Middle School Leaving Certificate (MSLC) Middle English School Leaving Certificate (MESLC) examination hi kum 2011 atanga a awm tak loh avangin, kum 2010 Board Examination result hmanga kum 2011 a Award kan pek kha, primary leh middle school te tana Award pek hnuhnung ber a lo ni ta a ni. 

He Cash Award dawng thei turte chu : HSSLC & HSLC, Mizoram Board of School Education-in a buatsaih examination result atang leh sikul atanga Class IX & XI Promotion Examination -a Science & Mathematics subject a titha ber te tan a ni a, promotion examination question paper leh answer sheet te hi SCERT-ah endik leh vek thin a ni. Category hrang hrang a award awm te chu hetiang hi a ni. 

1 HSLC Science Board Exam Result atangin Mathematics

2 HSSLC Mathematics Board Exam Result atangin 1st , 2nd & 3rd Physics Chemistry Biology

3 Class IX - Promotion Science & Mathematics Combined Sikul mal Result atangin 75% hmu tli ng tan chauh 1st (A hmu sangber chauh) Class XI - Promotion __ Mathematics Biology 

Tun tum a lawmman latu turte chu hetiang hi an ni. 1. HSSLC - 20 2. HSLC - 54 3. Class IX Promotion - 57 .2. Class XI Promotion - 11 Total 142. 

SCERT Director Pi Laldawngliani Chawngthu in vawiin programme hi a kaihhruai a, Pi D.Ramdinthangi, Joint Director, SCERT in report tawi a pe a, Pi Zohmingliani, Dy Director SCERT in lawmthu sawiin a khar a ni.