Khua leh tuite'n electoral roll-a chuan leh vote thlak pawimawhzia an hriat theih nana inzirtirna beihpui thlak "systematic voters education and electoral participation (SVEEP)" hma lakna peng khat atan vawiin khan Lawngtlai DRDA Conference Hall-ah district level seminar buatsaih a ni a. Lawngtlai District Election Officer Pi Shashanka Ala, IAS leh District SVEEP Nodal Officer Pi Lalramliani te'n SVEEP thil tum leh hma lak dante an sawi fiah.

He hunah hian LADC leh CADC ai awhte, kohhran hruaitute, tlawmngai pawl hrang hrang leh village council association ai awhte an tel a. Lok Sabha Inthlanpui 2019 lo awm tur atana thil pawimawh hrang hrang inzirtir a ni.

Lok Sabha Inthlanpuia hman tur electoral roll chu vawiin khan tlangzarh a nih thu leh siam ?hat ngai siam ?hata thun belh ngai thun belhna atan March ni 2 leh ni 3-ah te polling station tinah special camp buatsaih a nih dawn thu he hunah hian tar lan niin, special camp hlawhtling tak buatsaih a nih theih nan kal khawmte thawhpuina ngen nghal a ni a. Inthlanpui-ah hian vote awm zawng zawng 95% tal a tlak theih nana hma lak chungchang te, EVM/VVPAT hman dan inzirtirna te, inthlan kaihhnawiha hman tur toll free number 1950 chungchang te, thianghlim leh felfai taka vote thlak a nih theih dan tur te, rualbanlo leh tar chak lote'n vote an thlak ve vek theih nana hma lak chungchang te vawiin seminar-ah hian sawi ho a ni.

India khua leh tuite'n vote thlak pawimawhna leh kan dikna chanvo a nih kan hriat nan te, rualbanlo, tar chak lo leh vote nei tharte uar zawka vote thlak tura inzirtir nan te SVEEP campaign hi buatsaih ?hin a ni a. SVEEP hma lakna peng dang atan Lawngtlai District-a kohhran tin biak inah voter-te zirtir nana signature campaign leh dik taka vote thlak tura intiamtirna te pawh la buatsaih tum a ni.