Vawiin khan Govt. Kolasib College ah Start Up India Mizoram Yatra Programme neih a ni.
Start Up India hi Sawrkar Laipui Scheme niin Prime Minister Narendra Modi chuan August ni 15, 2015 kuma a tlangzarh a, India ram hmun kilkhawr zawka cheng thalai te kawng hrang hranga hmalakna nei tum/duh/idea nei tha te tana tanpuina tur kawng ruahmanna a ni.

He hunah hian Start Up India thil tum leh inelna hmachhawn dan tur te chu College zirlai naupang te hnenah hrilhhriatna hun hman a ni a, Mizoram hmun hrang hrangah BootCamp neih tur niin Boot Camp hrang hrang atanga Idea thazual 30 atanga 40 vel chu thlitfim an ni anga, heng ho hi Industry lama mithiam te chuan zirtirna an pe anga, final inelna an nei leh dawn a ni.

Heng hmun hrang hranga entrepreneur nih tum te chu tehfung hrang hrang hmangin endik an ni anga, final chu State khawpuia neih tur niin a titha zual te chu Category hrang hrang ah thlan an ni ang.

1.    Start up Hero of the State chuan tanpuina sumfai cheng Nuai khat a dawng ang.
2.    Most Innovative Idea (Agriculture) pakhatna in cheng 70,000/- , Pahnihna in cheng 50,000 leh Pathumna in cheng 30,000/-.
3.    Most Innovative Idea (technology) pakhatna in cheng 70,000/- , Pahnihna in cheng 50,000 leh Pathumna in cheng 30,000/-.
4.    Top woman entrepreneur pakhatna in cheng 70,000/- , Pahnihna in cheng 50,000 leh Pathumna in cheng 30,000/- an dawng ang.