Nimin (04.06.2019) khan Lai Autonomous District Council (LADC) hnuaia 5-Lungtian MDC Constituency leh Chakma Autonomous District Council (CADC) hnuaia 9-Ugudasury South MDC Constituency-a by-election neih tur vote chhiar tur Counting Supervisor leh Counting Assistant-te tan Lawngtlaia BNRGSK Hall-ah vote chhiar dan tur inzirtirna buatsaih a ni.

He'ng MDC bial pahnihahte hian June ni 6, 2019 zing dar 7 atanga tlai dar 5 thleng vote thlak tur niin, vote tlate hi June ni 8-ah Lawngtlaia BNRGSK Hall-a chhiar turin ruahman a ni a. He'ng vote chhiar turte hi SDC Pu Lalsanglura MCS chuan training pein, hriat tur pawimawh hrang hrang a zirtir a ni.

Counting Hall-ah hian vote chhiarna tur dawhkan pali hun a ni dawn a. Vote chhiar hi round hniha kalpui tur niin, round 1-ah 5-Lungtian MDC Constituency chhunga polling station 4-a vote tlate chhiar a ni ang a, round 2-ah 9-Ugudasury 'S' MDC Constituency chhunga polling station 2-a vote tlate chhiar a ni ve thung ang.

Vote chhiar tur hian Counting Supervisor (CS) leh Counting Assistant (CA) paruk ve ve ruat an ni a. Dawhkan pakhatah CS pakhat leh CA pakhat zel inkawp tur niin, reserve team pahnih an awm dawn a ni. A inkawp turte leh reserve turte hi randomisation tih huna la siam rem tur an ni.