Lok Sabha Inthlanpui 2019 lo awm tura Lawngtlai District chhunga sector 23-a sector officer turte chu vawiin khan Lawngtlai DC Conference Hall-ah thil pawimawh hrang hrang zirtir a, training pek an ni.

He hunah hian sector officer tura ruatte an tel ?ha hle a. Lawngtlai District Election Officer Pi Shashanka Ala, IAS chuan sector officer-te chu an huam chhunga polling party-te'n harsatna an tawhte chin felsaktu tur an nih avangin an pawimawhzia hria a, uluk taka an hriat turte zir tur leh inthlan felfai tak a awm theih nan an hna ?ha taka hlen chhuah tum turin a chah.

He hunah hian district level master trainer pahnih - Lawngtlai BDO Pi Carolyn LB Khiangte MCS leh SDC Pu Vabeimozachhi Chozah MCS te chuan sector officer-te mawh phurhna leh hriat tur pawimawh hrang hrang an zirtir a. EVM leh VVPAT hman dan leh enkawl dan a taka entira hrilhfiahin, an tihchhintir vek bawk.