Vawiin chhun khan DC's Conference Hall, Lunglei ah Pu Benjamin Lalzama, Addl.DC leh Chairman, Chapchar Kut 2019 Organising Committee kaihhruainain Chapchar Kut 2019 hmandan review meeting  (thlirletna) neih a ni.

Chapchar Kut Organising Committee Asst. Secretary leh Financial Secretary ten report an pe a, kumin Chapchar Kut hi ni hnih chhung hman a ni a.  A lawmna pui ber Thuamluaia Muala neih ah Agriculture Minister Pu C. Lalrinsanga chu Kut Pa atan hman a ni. Mizo hnamlam chi hrang hrang bakah zaithiam zai te ngaihthlak ani bawk. Organising Committee chuan khawpui chhunga YMA branch 21 bakah Vanhe leh Muallianpui branch ten chanvo an neih te tha taka an hlenchhuah avangin an chungah lawmthu a sawi a. Tin heng bak ah hian  chanvo hrang hrang neitu ten an chanvo te tha tak a an lo tih hlawhtlin avangin Organising Committee chuan lawmthu a sawi bawk ani. Kumin Chapchar Kut chu a hlungin a hlawhtling hle a, amaherawh chu kawng hrang hrang  a  hmasawnna tur kan la ngah thu member kal khawm ten an sawi

Chapchar Kut 2019 review meeting ah hian Pi. K. Lalrinzuali, Deputy Commissioner, Lunglei chuan Chapchar kut hlung tak leh hlawhtling taka hman anih avangin organising committee leh chanvo hrang hrang neite chungah lawmthu a sawi a. Chapchar Kut hman leh zelna turah tun aia ropui zawk leh hlung zawk  a hman anih theihnan ngaihtuahna lo seng turin kalkhawmte a chah ani. A sawizelna ah kan hma lawk a Lok Sabha inthlanna kan nei turah inthlan na felfai leh muanawm tak kan neih theihna turin NGO's hrang hrangte thawhpui ah a sawm a,  Lunglei atang hian thil chhelam zawng nilovin a thalam zawnga  chhuak thei tura inthurualna nen a hna thawk tlang turin a sawm bawk a ni.