April ni 11, 2019-a 1-Mizoram (ST) Parliamentary Constituency atana Member of Parliament (Lok Sabha) inthlan buatsaih tura Lawngtlai District chhunga venhimna lam thawktu (security personnel) turte chu vawiin khan Lawngtlai-III-a Central YLA Hall-ah an hna thawh dan tur hrilhfiah an ni.

Lawngtlai Superintendent of Police (SP) Pu Amit Goel, IPS chuan briefing hi neihpuiin, security personnel duty turte chu an mawhphurhna hre chiang a, inthlan ralmuang tak a awm theih nana an mawhphurhna hlen chhuak ngei turin a chah a. Inbiak pawhna lama mawhphurhtute pawh rin tlak taka hna thawk turin a chah bawk.

He hunah hian hna thawhna atana an mamawh tur bungruate sem nghal a ni bawk.