Vawiin chawhnu khan Aizawl DC Conference hall ah General Election to Lok Sabha 2019 leh Aizawl West-1 Bye Election neih tura inbuatsaihna hrang hrangte Pu Ashish Kundra, Chief Electoral Officer hovin sawi ho a ni a, General Observer Pi Honmilee Teronpi, IAS, Pi Rekha Rani, IAS leh Dr Mamatha BR, IAS ten he hun hi an hmanpui a ni.

Pu Ashish Kundra, CEO chuan ,”Inthlan lai hian ruahtui tla mai thei tura a lan avangin EVM leh VVPAT khawl te venhimna turin kan inbuatsaih that hle angai a ni,” a ti a,”Heng harsatna awm thei hrang hrangte chin fel zung zung anih theih nan inbiakpawhna tha tak ruahman tur a ni,” a ti bawk.

He hunah hian EVM leh VVPAT khawl dinhmun leh dah that dan turte, Person with Disabilities te vote thlakna tur inbuatsaihnate, Polling day a duty turte kal dan tur leh Inthlan kaihhnawih pawimawh hrang hrangte Nodal Officer atangin ngaihthlak a ni a. He thutkhawm hi Pu Vanlalngaihsaka, DEO, Aizawl in  kaihruaiin, Addl. CEO, Deputy CEO te leh Nodal Officer hrang hrangten an telpui a ni.