2024 Ṭomir thla ni 22: Lok Sabha Inthlanpui, 2024-a Lawngtlai District-a vote tlate chhiar tura ruat, counting personnel-te tana vote chhiar dan tur training buatsaih huna hman tur Electronic Voting Machine (EVM) leh Voter Verifiable Paper Audit Trail (VVPAT) te chu vawiin khan Lawngtlai DC Conference Hall-ah endikna (first level checking) kalpui a ni.

EVM leh VVPAT first level checking (FLC) nei tur hian a siamtu Electronics Corporation of India Limited (ECIL) aṭangin engineer pakhat a lo kal a. Election official-te leh political party hrang hrang ai awhte hmuh laiin khawlte hi a ṭhat leh ṭhat loh endik a ni a. Endikna pal tlangte hi counting training-naa hman turin dah hran nghal a ni.

Vawiina EVM/VVPAT FLC-ah hian EVM control unit (CU) endik 20 zingah a chhia 2 awmin, EVM ballot unit (BU) endik 18 leh VVPAT endik 18 chu a ṭha vek a. Heti hian Lawngtlai District-ah counting training-a hman tur EVM/VVPAT set 18 a awm dawn a ni.