Lok Sabha Inthlanpui 2019 lo awm tura Lawngtlai District chhunga candidate-te sum hman dan lo thlithlaitu tur Assistant Expenditure Observer (AEO), Accounting Team (AT), Video Surveillance Team (VST) leh Video Viewing Team (VVT) te chu vawiin khan Lawngtlai DC Conference Hall-ah training neihpui an ni.

He hunah hian Lawngtlai Election Officer Pu Lalremruata Sailo MCS chuan Lok Sabha Inthlanpui kaihhnawih thil pawimawh hrang hrang a sawi a. District level master trainer, Sub-Deputy Commissioner Pu Vabeimozachhi Chozah MCS chuan election expenditure monitoring chungchanga hriat tur pawimawh leh an hna thawh dan tur te a zirtir a ni.