Lok Sabha Inthlanpui 2019 lo awm tura Lawngtlai District chhunga polling station 165 awma polling official duty tur leh reserve turte chu Lawngtlai District Election Officer Pi Shashanka Ala, IAS hovin nimin khan Lawngtlai NIC Conference Hall-ah ECI randomisation software hmanga thliar fel a ni.

Lawngtlai District chhunga polling station 165 awmah hian polling station 157 chu polling station pangngai niin, polling station 8 chu hmeichhia chauh duty-na tur (Dingdi polling station) a ni dawn a. Polling station tinah hian official pali (4) zel duty tur niin, a taka duty tur hi Lawngtlai District pumpuiah mi 660 an ni a, reserve tur mi 168 nen an vaiin mi 828 ruat chhuah an ni a. He'ng atang hian duty tur leh reserve turte hi an hming thliar fel a ni ta a ni.