Vawiin chawhnu khan Convention Centre Conference Hall, Lunglei ah Developement Commissioner, Ministry of Textiles, Govt. of India bultuma Mizoram Apex Handloom &Handicraft Cooperative Society Ltd (MAHCO) buatsaihin  Lunglei Special Handloom Expo ni 13th-15th, March, 2019 chhhunga neihtur chu Pu Benjamin Lalzama, Addl. Deputy Commissioner, Lunglei in khuallian niin a hawng.

Special Handloom Expo hawnna inkhawm hi Pu Lalrinawma Pachuau, Project Manager, MAHCO in kaihruaiin Pu Benjamin Lalzama chuan Sorkar hnuaia company pakhat MAHCO hian Mizoram chhunga Handloom leh Handicraft hmang a eizawng te  dapchhuakin  an vawrh lar thin ani tiin Mizo hnam anga kan awm chhung chuan kan costume leh tradition atana kan hman Mizo puan te hi kan pho chhuak thin a ni ati. Mizo incheina zia rang te  hlutna chang hria ila, i roh ang u ati. Aizawl  leh Thenzawl atanga in pho te a duhsak rualin Lunglei atang inpho an awmlo chu pawi a tih a sawi bawk.

Pu Lalnuntluanga, ARCS pawhin thusawiin Cooperative Society hmang hian thil tam tak atih theih a, MAHCO member niturin Cooperative Society ah in register a ngaih thu a sawi. Lunglei District Handloom leh Handicraft a hma  a sawn theih nan Integrated Development Fund hmangin kanghmun S, Ramlaitui, Mualthuam N leh Chhipphir khua te enkawl ani ati. 

Pu H. Lalrotluanga, President, Sub-Hqrs YMA, Lunglei pawh thusawiin  Lunglei mipui ten hnam incheina banphaka chhawpchhuah anih avangin lawmthu a sawi a.Ram leh Hnam humhalhtu pawimawh tak he expo hi ani ati bawk.

Lunglei Special Handloom ah hian Aizawl leh Thenzawl atangin  stall 13 tte an in pho chhuak  ani.