1566/2022-2023

Thlazing ni 11, 2022: Vawiin khan Urban Development & Poverty Alleviation Department, Lawngtlai District buatsaihin Lawngtlai DC Conference Hall-ah Lawngtlaia mipui phur lirthei - maxi cab, taxi leh auto rickshaw neitu leh khalhtute inzawm khawm pawl hrang hrang hruaitute te nen Lawngtlai khawpuiin faina kawnga hma a sawn zel theih nana hma lak hona tur hrang hrang sawi ho a ni.

He hun hi District Project Officer Pi TT Beikhaizi chuan kaihruaiin, hun hman chhan a sawi fiah a. Mipui phur lirthei khalhtute chu faina kawnga hmahruai theitu an nih avangin theih tawpa thawhpui turin a sawm a. Lawngtlai DIPRO Pu C. Lalhruaitluanga pawhin thu sawiin, District Manager Pi VL Ramnunsangi leh Pi Kerry VL Hmangaihzuali te'n khawpui fai inelna - Mizoram Cleanliness Competition 2022 leh Swachh Survekshan 2023 atana hma lak dan tur te, hman khat daih sarang (single use plastic) hman titlem tura hma lakna tur te presentation hmangin an sawi fiah a. Faina kawnga hma lakna tur rawtna hrang hrangte sawi ho a ni bawk.

He hunah hian UD&PA Department Lawngtlai District-in faina chungchang leh sarang hman titlem tura inzirtirna thuziak, lirtheia tar chi (sticker) an buatsaih chu mipui phur lirthei hrang hranga tar atan driver association hrang hrang hruaitute hnenah hian sem nghal a ni.

Attachment

  • Loading attachment...