1565/2022-2023

Thlazing ni 11, 2022: Vawiin khan Mizoram State Rural Livelihoods Mission (MzSRLM) hnuaia Lawngtlai RD Block Mission Management Unit (BMMU) huaihawtin BNRGSK Hall, BDO Complex Lawngtlaiah vawk insurance chungchang inzirtirna, "Sensitisation Meeting on Pig Insurance" buatsaih a ni.

He hun hi Lawngtlai Block Development Officer Pu N. Lalzarzova chuan kaihruaiin, Lawngtlai DRDA Project Director Pi Marilyn Rualzakhumthangi chuan Khuallian niin a hmanpui a. Khuallian hnen aṭangin thu sawi ngaihthlak niin, AH & Vety, MzSRLM leh National Insurance Company Ltd aṭangin presentation leh insurance chungchanga a thil pawimawh te ngaihthlak a ni a. Zawhna leh chhanna leh sawi hona hun hlawk tak hman ni bawkin, Block Mission Manager Pu Jerry Zirnunmawia chuan lawm thu sawiin hun a khar a ni.

He hunah hian  MzSRLM Lawngtlai RD Block hnuaia Village Organisation 29 aṭangin ai awh an tel thei a. India ram zalenna kum 75-na lawmna peng khat atana "In Tina Ram Puanzar Zar" (Har Ghar Tiranga) beihpui thlak bawhzui nan Self Help Group member kal khawmte hnenah BDO Pu N. Lalzarzova chuan Ram Puanzar (National Flag) a sem nghal a ni.

Attachment

  • Loading attachment...