1592/2025-2026

Lawngtlai, 25th September 2025: Mizoram Cleanliness Competition 2025- atana inbuatsaihna kal zelah vawiin khan 'Urban Development & Poverty Alleviation (UDPA), Lawngtlai District, bultumin Lawngtlai khawpui chhung veng hrang hrangah hnatlâng rûnpui neih a ni a.

Mizoram leh LADC - Sawrkara Department hrang hrangte chuan tukin zing dar 8: 00 AM khan Kaladan Multi-Modal Transit Transport Procject (KMMTP) Kawngpui dungah hnatlâng rûnpui hi an nei a. Pu David Lalrinawma, Addl.DC Lawngtlai chuan thutawi sawina neiin, 'Swacchata Hi Seva 2025' hi India ram pumah September ni 17th -2nd, October, 2025 chhunga hman tur a ni, a ti a. Faina kawngah midang zirtirtu leh kawhhmuhtu nih theuh kan tum a ngai a ti. Faina kawnga hmalaknaah hian midang tih atan leh hemi kawnga thawktu department- te kutah chauh kan khawpui faina hi kan dah chuan kan khawpui hi a fai thei ngai dawn lova, mimal tin hian faina kawngah kan phak ang tawk theuh ah tan kan lak a ngai a ni a ti. Faina kawngah mipui inzirtir kan uar thar zel a tul a, Veng tina Village Council - te pawh theihtawp chhuah zel turin a sawm nghal bawk.

Hnatlang runpui hi Lawngtlaia Veng hrang hrangah thawh a ni bawk a. Vawiina hnatlâng thawk remchang lo veng te pawhin remchang hmasa berah Veng tihfai hnatlâng hi an thawk dawn a ni.

LADC Sanitation Department-chuan vawiina hnatlâng thawkte tan hian  bawlhhlawh paihna lirthei tlan kualtirin, hnatlang thawhna hmun hrang hrang  aṭangin bawlhhlawhte   khawn khawmin an paih fai nghal  a ni.