No.1632/2021-2022
Aizawl the 30th July, 2021: Vawiin khan Mizoram leh Assam ramri buai avanga ni tin mamawh chungchanga harsatna awm thei sut kian dan tur ngaihtuahin Lawngtlai DC Conference Hall-ah Bawrhsap Dr Andrew H. Vanlaldika hovin thut khawm a ni.


He thut khawmah hian Lai Autonomous District Council (LADC)-a Executive Member i/c Revenue Pu K. Hre Kung leh Executive Member i/c Sanitation Pu Glory Lalropuia Chinzah te bakah, LADC hnuaia Price Control Committee leh Market Monitoring Committee member-te, a kaihhnawih state department ai awh leh CYLA ai awhte an tel a. Tun dinhmuna Lawngtlaia ni tin mamawh (essential commodities) chhek khawl sa (stock) awm dan leh District chhunga harsatna a awm loh nana hma lakna tur hrang hrangte sawi ho a ni.

Market Monitoring Committee atangin report ngaihthlak niin, Lawngtlai bazar chu Lawngtlai khawpui leh a chhehvel khaw hrang hrang bakah, Lunglei District chhung khaw hnaivai thenkhatin an pan khawm a nih avangin ni tin mamawh hrang hrang mamawh zat a tam lehzual a, he'ng stock hrang hrang dinhmun hi tun dinhmunah a tha lo hle tih ngaihthlak a ni a. DCSO atangin ration buhfai chu thla hnih daih chhek khawl a nih tawh thu ngaihthlak a ni bawk a. Buhfai leh ni tin mamawh thil hrang hrang leh thlai hring te District chhungah khaihlak lova a awm theih nan hma lak dan tur hrang hrang ruahman a ni.


Attachment

  • Loading attachment...