No.1633/2021-2022

Aizawl 30th July 2021:  Lawngtlai New Vengpui VLTF-te ngenna anga Health Department te'n risk assessment an neih atangin mipui zingah hri a darh nasa hlea a lan avangin, Chief Medical Officer, Lawngtlai District rawtna angin vantlang zinga hri inkai darh zel tur ven nan vawiin khan Lawngtlai Bawrhsap Dr Andrew H. Vanlaldika chuan The Mizoram Epidemic Diseases (COVID-19) Regulations, 2020 leh Mizoram Sawrkar Order No. B. 13021/101/2020-DMR/Vol-V dt. 23.07.2021 tlawh chhanin Lawngtlai khawpui chhunga New Vengpui huam chhung -

1. Karkawn atanga kawngpui phei zai zaiah Govt Higher Secondary School thleng, thlang lamah Bazar leh Council Veng inrina leh

2. Khurpui, New Vengpui huam chhung te chu

ni 30.07.2021 (Zirtawpni) atanga thu leh awm hma atan Micro Containment Area-ah a puang.

Micro Containment Area chhungah hian Deputy Commissioner, Lawngtlai leh a veng neitu VLTF-in phalna an pekte, dan leh thupek kengkawhtute leh medical duty-te tih loh chu tu mah luh leh chhuah phal a ni lo va. Tul tawp a nih loh chuan Micro Containment Area puanna veng mipuite pawh pawn chhuah leh inlen pawh khap a ni. Veng leh veng inkal pawhna kawng (main road) erawh tlan tlang phal a ni thung.

Attachment

  • Loading attachment...