1846/2025-2026

Lawngtlai 10th October 2025 : Vawiin khan DC Office Chamber- ah Pu Donny Lalruatsanga, District Bawrhsap leh Chairman, Lawngtlai District Level Nasha Mukt Bharat Abhiyan (NMBA) nibawk kaihhruaiin thutkhawm neih a ni.

Pu Donny Lalruatsanga chuan member kal te hnen a lawmthu sawina a nei hmasa a. Ruihhlo avangin thalaite'n harsatna an tawh mek a, ram leh hnamin nasa tak a tuarin hmalak thuai a nih loh chuan hmabak a thim hle a ti. Hemi a nih avang hian ruihhlo thatlohzia inzirtirna chu a tam thei ang ber a kalpui chu sawrkarlaipui duh dan anih angin theihtawp chhuaha tan lak a hun tawh tak zet a ti a. Bawrhsap chuan Ruihhlo thatlohzia inzirtirna kalpui uar a tul a, Kohhran hruaitute , Khawtlang hruaitute leh Journalist- te tanho a tul hle tiin, mipuite thawhpuiah a sawm nghal, bawk.

Thutkhawmah ah hian Nasha Mukt Bharat Abhiyan atana hmalakna tur sum lo kalte hman dan tur rel a a ni a. Ruihhlo that loh zia inzirtirna atan 'Slogan Writing Competition' buatsaih nise, ruihhlo zuarte hriatchhuah an nih theihna turin Lawngtlai khawpui chhung hmun thum ah 'Drop Box' dah ni bawk se, an ti a ni. Mi zawng zawngin QR code- kaltlanga Ruihhlo ti lo tur a intiamkamna lak chu an ngaihpawimawh theihna turin hmalak ni se an ti bawk a ni.

Vawiin thutkhawmah hian Lawngtlai District Level Nasha Mukt Bharat Abhiyan (NMBA) Member-te an telkim tha hle a, Pu Donny Lalruatsanga chuan lawmthu sawina neiin hun a khar.